Markazimiz haqida
"IMKONIYAT" Respublika jamoat birlashmasi xodimlari tomonidan O‘zbekistonda birinchi marta OITS virusi antitanalarini aniqlash uchun diagnostik Test tizimi “Peptoskrin -2” ishlab chiqilib, 1991-yildan 2010-yilgacha O‘zbekiston Respublikasining barcha OITS markazlari va laboratoriyalari tomonidan muvaffaqiyatli foydalanilgan.
Jamiyat xodimlari OIVYlarga palliativ yordam bo‘yicha Brasovo shahri (Ruminiya) Xospis va palliativ yordam markazida o‘qishdan o‘tganlar. JSST vakolatxonasi bilan hamkorlikda O‘zbekistonda palliativ yordam va OIV/ARVT muammosi bo‘yicha konferensiyalar va davra suhbatlari o‘tkazilgan.
"IMKONIYAT" Respublika jamoat birlashmasida OIV bo‘yicha TEKIN! ANONIM ekspress test o‘tkaziladi. Sog‘lig‘i va yaqinlarining sog‘lig‘ini o‘ylagan har qanday kishi test topshirishi mumkin.
Natijani 15 daqiqa ichida olasiz. Siz bilan testdan oldin va keyin maslahatlashuv o‘tkaziladi, bu yerda sizni qiziqtirgan barcha savollar va OIV/OITS bilan bog‘liq tafsilotlar yuzasidan tushuntiriladi.
palliativ va xospis yordam ko‘rsatishni
tashkil etish va rivojlantirish
DIQQAT! SOHTA MAHSULOTLARDAN EHTIYOT BO‘LING!
O‘zbekiston Respublikasida qimmatbaho dori vositasini xarid qilayotganingizda, dorixona xodimidan ushbu dori vositasi uchun O‘zbekiston Respublikasi Farmakologiya qo‘mitasi tomonidan berilgan sifat sertifikatini so‘rashingizni tavsiya qilamiz.
Sog‘lig‘ingizni asrang!
NIMALARGA E’TIBOR BERISH KERAK?
-
Sertifikat O‘zbekiston Respublikasi Farmakologiya qo‘mitasi tomonidan berilgan bo‘lishi kerak, boshqa davlat tomonidan emas.
-
Sertifikatga ilova qilingan ariza (1 bet) bo‘lishi shart, unda dori vositasining nomi, dozalari, chiqarilish shakli va ishlab chiqarish seriyasi ko‘rsatilgan bo‘lishi kerak.
-
Sertifikatda ishlab chiqarish seriyasi aniq ko‘rsatilgan bo‘lishi lozim.
-
O‘zbekiston Respublikasiga ushbu dori vositasini yetkazib beruvchi kompaniya nomi ko‘rsatilgan bo‘lishi kerak.
-
Yetkazib beruvchi kompaniyaning yuridik manzili ko‘rsatilgan bo‘lishi zarur.
